Evolución da produción ecolóxica en Galicia

Boas aquí vos deixo un comentario xeral sobre a evolución da produción ecolóxica en Galicia, así como foi o seu crecemento en canto número de produtores, superficie e volume de negocio por actividade.

Dende a creación do CRAEGA (1997) a evolución do número de productores ecolóxicos en Galicia seguiu  unha tendencia ascendente, salientando que nestes anos de crise continua en ascenso ata chegar a case quinientos productores.

Observando o gráfico, vemos como o ano de maior crecemento en canto a número de productores dase no 2001 (poderíamos preguntarnos a razón de tal cousa), tendendo a baixar lixeiramente nos anos posteriores ata o 2011.

En canto a evolución da superficie agro-ecolóxica foi paralelo ao crecemento do número de productores dando o salto cuantitativo no 2001 e seguir cunha evolución crecente (cun pequeno estancamento no 2010) ata os nosos días.

Falando do número de hectáreas por provincia, son as dúas provincias do interior (Ourense e Lugo) as que contan con maior número de hectáreas. (número de produtores por provincia)

En volumen de negocio temos un incremento do 27,7% nas vendas certificadas en ecolóxico, o que supuxo un volume de negocio por riba dos 21 millóns de euros, arredor de 4,7 millóns máis que en 2010 e lonxe da facturación de 2001, de medio millón de euros.

Na evolución por productos vemos como son o leite e carne os máis demandados. Sendo o leite, con 8,8 millóns de euros de ganancia, 1,2 millóns máis que en 2010; as carnes, con 3,3 millóns de euros e unha suba de 700.000 euros do 2010 ao 2011; os ovos, cun volume de negocio dun millón e medio de euros e un aumento de case 300.000 euros dun ano para outro; e as conservas de pescado, que acusaron un crecemento espectacular que as levou aos 2,1 millóns de euros nas vendas de 2011. Inflúe o feito de ser a primeira comunidade na produción e o enlatado de mexillón ecolóxico, e tamén o potencial que temos na recolleita sostible de algas.

Tamén cómpre destacar a demanda que teñen nos mercados nacional e internacional tanto os froitos silvestres, especialmente as castañas, coma os viños, a sidra e o vinagre de sidra, debido neste último caso á certificación de adegas das denominacións Ribeiro, Rías Baixas, Ribeira Sacra, Monterrei e Valdeorras.

pd: déixovos un artículo sobre este tema
http://praza.com/economia/4101/o-auxe-da-agricultura-ecoloxica-en-plena-crise/

Un saúdo.

Carlos.